Осиё чемпионлар лигаси гуруҳ босқичининг иккинчи туридан ўрин олган Жанубий Кореянинг "Поҳанг Стилерс" ва Тошкентнинг "Бцнёдкор" клублари ўртасидаги учрашув якунига етди. Унда Миржалол Қосимов шогирдлари ишончли ғалабага эришишди.
Шуни алоҳида таъкидлаш керакки, биз бугун умуман бошқача "Бунёдкор"га гувоҳ бўлдик. Мамлакатимиз чемпиони бугун ўзига ярашадиган, мухлисларга ёқадиган ўйин кўрсатди. Ҳисоб бундан-да йирик кўриниш ҳосил қилиши мумкин эди, аммо сўнгги паллада вакилларимизга бироз омад етишмади.
Ўйин бошидан ишончли ҳаракат қилган тошкентликлар 28-дақиқада ҳисобни очишга муваффақ бўлишди. Лутфулла Тўраев ўзининг ажойиб зарбаси билан дарвозани ишғол этди. Шундан сўнг ҳам "Бунёдкор" ўйин суръатини туширмади ва биринчи бўлимни ғолиб сифатида якунлади.
Иккинчи бўлимда ҳам "Бунёдкор" ажойиб ўйин кўрсатди ва ажойиб тарзда ғалаба қозонди. Учрашув якунланишига чамаси, ўн дақиқача қолганда, Камолиддин Мурзоев ҳимоячилардан қочиб кетди ва дарвозабон бирга-бир вазиятга чиқиб бориб, дарвозабони доғда қолдиришга муваффақ бўлди.
Шундай қилиб, "Бунёдкор" бу йилги ОЧЛдаги биринчи ғалабасини қўлга киритди.
ОЧЛ-2012. 2-тур
"Поҳанг Стилерс" - "Бунёдкор" - 0:2
Голлар: Лутфулла Тўраев, 28, Камолиддин Мурзоев 78
|
