Тошкентда МДҲ мамлакатлари орасида биринчи бўлиб HD форматдаги телетармоқ фойдаланишга топширилди.

High-Definition television (HDTV) максимал даражада тиниқ ва кенг форматдаги тасвирларни узатиш стандарти ҳисобланади. Энди сиз рақамли махсус тюнер харид қилиб Тошкент, Самарқанд, Бухоро, Хоразм, Андижон, Наманган, Фарғона, Қашқадарё вилоятлари ва Қорақалпоғистон Республикасида ҳамда пойтахтимизда 12 та телеканални ана шундай юқори сифатли тасвирда томоша қилишингиз мумкин. Улардан 7 таси маҳаллий телеканаллардир. Ҳозирги вақтда мамлакатимиз аҳолисининг 36,7 фоизи рақамли телевидениедан фойдаланмоқда. "Uz.HD” (юқори сифатли телевидение) нинг ишга туширилиши Ўзбекистон телевидениеси ривожланишнинг янги босқичига кўтарилганидан далолат беради.